ဌာန နောက်ခံသမိုင်း

• ၁၉၀၅ ခုနှစ်တွင် မြန်မာနိုင်ငံသို့ မော်တော်ယာဉ် စတင်ရောက်ရှိပါသည်။
• ၁၉၁၃ ခုနှစ်တွင် အများပြည်သူပိုင် မော်တော်ယာဉ်များ စတင်တင်သွင်းပါသည်။
• ၁၉၂၀ ခုနှစ်တွင် အငှားမော်တော်ယာဉ်များအပါအဝင် အခြားမော်တော်ယာဉ်များ စတင် ပြေးဆွဲပါသည်။
• ၁၉၃၇ ခုနှစ်တွင် လျှပ်စစ်ထရော်လီကားများ စတင်အသုံးပြုပါသည်။
• ၁၉၄၆ ခုနှစ်တွင် မော်တော်ယာဉ်မှတ်ပုံတင်ခြင်းလုပ်ငန်းကို ဗမာပြည်ပုလိပ်အဖွဲ့မှ တာဝန်ယူ၍ စတင်ခဲ့ပါသည်။
• ၁၉၆၃ ခု၊ စက်တင်ဘာလ(၁)ရက်နေ့တွင် ကုန်းလမ်းနှင့်ပြည်တွင်းရေကြောင်း သယ်ယူပို့ဆောင် ရေးအာဏာပိုင်အဖွဲ့ ဖွဲ့စည်းခဲ့ပါသည်။
• ၁၉၆၄ ခု၊ ဒီဇင်ဘာလ(၇)ရက်နေ့တွင် မော်တော်ယာဉ်များ မှတ်ပုံတင်ခြင်းနှင့် ယာဉ်မောင်း လိုင်စင် လုပ်ငန်းတာဝန်များကို ၎င်းအာဏာပိုင်အဖွဲ့က ရန်ကုန်ရဲမင်းကြီးရုံးထံမှ လွှဲပြောင်း ရယူခဲ့ပါသည်။
• ၁၉၇၂ ခုနှစ်တွင် ၎င်းအာဏာပိုင်အဖွဲ့ကို ကုန်းလမ်းပို့ဆောင်ရေးညွှန်ကြားမှုဦးစီးဌာန အမည်သို့ ပြောင်းလဲဖွဲ့စည်းခဲ့ပါသည်။