လျှပ်စစ်စွမ်းအင်အသုံးပြုသည့် ယာဉ်အမျိုးမျိုး မှတ်ပုံတင်ဆောင်ရွက်ခြင်းကိစ္စ

• ၁။ ပြည်ပမှတင်သွင်းလာသည့် မော်တော်ယာဉ်များနှင့် ပြည်တွင်း၌ SKD, CKD စနစ် တို့ဖြင့် ထုတ်လုပ်သည့်မော်တော်ယာဉ်များတွင် လျှပ်စစ်စွမ်းအင်အသုံးပြုသည့် ယာဉ်အမျိုး မျိုးလည်း ပါဝင်နေသည်ကိုတွေ့ရှိရပြီး အဆိုပါလျှပ်စစ်စွမ်းအင်သုံး ယာဉ်အမျိုးမျိုးနှင့် ပတ်သက်၍ မှတ်ပုံတင်ခြင်းဆောင်ရွက်ရာတွင် အခြားနိုင်ငံများနည်းတူ ကန့်သတ်ချက်များထုတ်ပြန်ရန် လိုအပ်လာပါသည်။
• ၂။ သို့ဖြစ်ပါ၍ ပြည်ပမှတင်သွင်းလာသည့် လျှပ်စစ်စွမ်းအင်သုံးယာဉ်များနှင့် ပြည်တွင်း၌ SKD, CKD စနစ် တို့ဖြင့် ထုတ်လုပ်သည့် လျှပ်စစ်စွမ်းအင်သုံးယာဉ်များအားလုံး ကနဦးနှင့် နှစ်လဲမှတ်ပုံတင်ခြင်းလုပ်ငန်းများ ဆောင်ရွက်ရာတွင် အောက်ဖော်ပြပါကန့်သတ်ချက်များ အတိုင်း သတ်မှတ်၍ မှတ်ပုံတင်ဆောင်ရွက်ပေးမည် ဖြစ်ပါကြောင်း အသိပေးအပ်ပါသည်။
  • (က) လျှပ်စစ်စွမ်းအင်အသုံးပြုသည့် ယာဉ်များအား မူလစက်ရုံထုတ် လျှပ်စစ် စွမ်းအင်စနစ်မှ အခြားလောင်စာဆီသုံးအင်ဂျင် (သမားရိုးကျအင်ဂျင်) တစ်မျိုး မျိုးသို့ ပြောင်းလဲတပ်ဆင်ထားခြင်းကို လုံးဝ(လုံးဝ) ခွင့်မပြုပါ။
  • (ခ) လျှပ်စစ်စွမ်းအင်အသုံးပြုသည့်ယာဉ်များ၏ မူလစက်ရုံထုတ် လျှပ်စစ်စွမ်းအင် အသုံးပြုသည့် စနစ်ပျက်စီးသွားပါက မူလအသုံးပြုသည့် စွမ်းဆောင်ရည် တူညီသော Motor Power, Controller နှင့် (Power & Nos:) များအတိုင်းသာ ပြောင်းလဲတပ်ဆင်ခွင့်ပြုပါသည်။